कमल प्रसाद बगाले रेग्मी
वालिङ्ग बजार स्याङ्जा
कल्कल बग्ने हिमाली नदी सुन्दर महान
मिलेर बस्छौँ नेपाली सबै बनेर जहान,
वनमा मिठो कोइली गाउँछे वेदना घोलेर
न्याउली पनि सुनाउन थाल्छे हृदय खोलेर,
जुरेली चरी पिरती गाँस्छे हाँगामा बसेर
ढुकुर जोडी रमाई नाँचे दुई् मुटु कसेर
हिमाल पहाड तराई जम्मै नेपाली शान हो
उठाई शिर गर्वले बाँच्छौँ यो हाम्रो प्राण हो,
अनेक भाषा संस्कृति कला नेपाली गहना
समृद्ध राष्ट्र सम्पन्न बन्ने छ हाम्रो चाहना,
नेपाली नाम काफी छ हाम्रो विश्वकै अगाडि
सबैको हामी नेतृत्व गर्छौ छैनौँ है पछाडि,
मेची र कोशी कर्णाली बग्छन् पवित्र भूमिमा
यही नै जन्म पाउँ है सधैँ लौ अर्को जुनीमा,
पुर्खाको नासो जोगाई राखौँ मुटुमै गाँसेर
नेपाल आमा बस्दछिन् तब मुसुक्क हाँसेर।
प्रह्लाद दवाडी लिङमो पेपथाङ्,दक्षिण सिक्किम "आज तिमीहरू मिठो मिठो खाउ ल, म पनि खुवाउँछु" सानीले…
शोभा कोइराला नारी यस्ता निडर बनियून् शङ्ख उद्घोष गर्ने योद्धा बन्दै हरबखत नै सत्यको खोज…
कल्पना मरासिनी भूमिकास्थान,अर्घाखाँची हाल:ललितपुर "ए उठ ! उज्यालो हुनै लाग्यो, रातभरिको हावाले आँप भुइँभरि झरेका…