नयाँ जुत्ता

बिनोद प्रसाद ढकाल
इनरुवा,सुनसरी

विद्यालयबाट घर फर्किएपछि, रमेशले आमाको हात समाउँदै भन्यो: “आमा !  सबै साथीहरूसँग नयाँ जुत्ता छन्, मेरो त पुरानै छ। मलाई पनि नयाँ चाहिन्छ।” रमेशको आमा ताराले भनिन्, “छोरा, यस महिना त बाबु पनि बिरामी परेका छन्, कमाइ थोरै भयो। अर्को महिनामा किन्नु ल छोरा ?” रमेशले (दुःखी हुँदै): “हुन्छ आमा।” भन्यो। भोलिपल्ट रमेशको साथी विशालले उसलाई नयाँ जुत्ता देखाउँदै भन्यो: विशाल: “हेर रमेश, हेर मेरा नयाँ जुत्ता! मलाई बर्थडे गिफ्टमा प्राप्त भयो ।” रमेश (हाँस्दै): “धेरै राम्रा छन्, तिमी खुसी छौ भने म पनि छु।” अन्तिम बेलामा रमेशले आफ्ना पुराना तर सफा गरेर मर्मत गरेका जुत्ता लगाएर फुटबल खेल्यो र जित्यो। गुरुजी आएर भने: गुरुजी: “जुत्ता होइन, लगन र आत्मविश्वासले जित दिलाउँछ।” रमेश मुस्कुरायो । त्यो दिनदेखि उसले कहिल्यै अभावको गुनासो गरेन।