निर्यात

गीता तिवारी
पोखरा

उसले जिबिकोपार्जनको लागि के मात्रै गरेन र ! एस एल सी पास गर्नेबित्तिकै गाउँकै विद्यालयमा पढायो भने केही समय देशको दुर्गम जिल्लातिर दोब्बर तलब पाईन्छ भनेर उतै गयो।
त्यहाँ पनि मन रमाएन। त्यसपछि कुनै कार्यलयमा सहायक ब्यबस्थापक भएर काम गर्यो। हाकिमको टोकसो सहन नसकेर राजिनामा दियो। गाउँमै स-सानो पसल चलायो तर त्यहाँ पनि उधारोले उसको ऋण मात्रै बढ्यो।
उसले बैंकमा घरजग्गा धितो राखेर ऋण लियो र उद्योग खोल्यो। दक्ष कामदारको अभाव , कच्चा पदार्थको आयातमा विभिन्न समस्या आदि कारणले बैंकको ब्याज सम्म तिर्न पुगेन। उद्योग घाटामा गयो।
यसबिचमा उसले राजनीति पनि गरिरह्यो वडा अध्यक्षमा आफ्नै पाटिबाट अन्तर्घात भएर केहि मतले हारेँ भन्यो।
अचानक उसको भेट रबिनसँग भयो। रबिनकै सल्लाहमा उसले नयाँ ब्यबसायमा हात हाल्यो । ब्यबसाय गर्नको लागि निर्यात कम्पनी दर्ता गर्यो र काम सुरु गर्यो । यहि मान्छे निर्यात गर्ने ब्यबसायले आज सफल ब्यबसायी भएको छ।