मचिन्द्र खत्री
डेरीको दही दोकानका चिउरा प्लास्टिकका पोकामा
न लानुपर्छ रोपारलाई खाजा हालेर डोकामा।
आउँछ अन्न विदेशबाट फुटानी लाउँनुछ
यो देश मेरो कृषीमा अब्बल यो गीत गाउनुछ।
रोपाइँ गर्ने दिनलाई पनि धान दिवस भन्नेले
के देख्छन् बरा! मङ्सिरको धान कनिका गन्नेले।
संजाल मै हुन्छ उधुम रोपाइँ असार पन्द्रमा
न खेत देख्नु न हिलो टेक्नु न देख्नु चन्द्रमा।
कसैले रोप्छन् गमला भित्र यो खेत जनाई
यिनैले लाउँछन् ब्याडको बिउ त्यो माला बनाई।
यो पन्द्र लाग्छ विशेषगरि फेसबुके कविलाई
ढाकछोप गर्छन् यिनैले सच्चा कृषक छविलाई।
कताको बिउ कताको मल कता छ मुहान
जोरजाम गरि रोपेर खेत पाल्नुछ जहान।
यसै दिन गर्छन् नेताले भाषण मञ्चमा रमाई
एक गाभो बिउ गमले रोपाइँ यतै यो समाई।
हामी चाहिँ धान्छौँ मौलिक पर्व दही चिउरा खाएर
न गाई गोठ न घरका चिउरा बजारकै ल्याएर।
इन्दु उपाध्याय हेलेम- मिसामारी, आसाम विद्यालयको घण्टी बज्नासाथ कक्षा नौका विद्यार्थीहरू आ-आफ्नो स्थानमा बसे। केही…
रम्भा पौडेल प्यारा भाइबैनीहरु ! यो असार महिना हो । अब असार पन्ध्र आउनैलाग्यो ।…
तुलसीराम खरेल बिर्तामोड झापा नयाँ सरकारले आइतबार छुट्टी गराएको थियो। नयाँ शैक्षिक सत्रमा आइतबार विद्यालय…