शिव पुन
मीठो जाडाे महिना याे , आयाे मंसिर
न्याना लुगा नहुनेलाई , लाग्छ फेरि पीर।
न्याना लुगा साथी बने , घाम मीठो हुन्छ
जाडाेलाई सम्झेर , गरिब सधैँ रुन्छ।
जाडाे महिना आए पछि , फेरि उस्तै व्यथा
कहिले घाम लाग्छ भन्ने , छेपाराकाे कथा।
जाडाे मीठाे मंसिरकाे , सिरक हुनेलाई
जाडो के हाे थाहा हुन्छ , सधैँ रुनेलाई।
अहिलेकाे के जाडो , पाेहाेर अझै ठुलाे
न्याना लुगा पाए पछि , पाेहाेर उस्ले भुल्याे।
मंसिरकाे महिनामा बज्याे , लगनकाे बाजा
जन्ती सँगै घाेडा सवार , हिँडे दुल्हे राजा।
फलानाकाे विहे आज , भाेज निम्ताे आयाे
बुझ्नेले त भाेज खायाे , नबुझ्नेले पायाे।
रिण गरि खेत बेची , विहे सुहाएन
कमाउन नसक्ने भन्छ , दाइजो पाएन।
बीस वर्षे वैशमा नै , विहे गर्नु पर्छ
उमेर बढी भयाे भने , लगन फेर टर्छ।
प्रकृतिले पनि भन्छ , चाहिन्छ बच्चा
राेज्नु पर्छ जीवन साथी , हामीले सच्चा।
रम्भा पौडेल प्यारा भाइबैनीहरु ! यो असार महिना हो । अब असार पन्ध्र आउनैलाग्यो ।…
तुलसीराम खरेल बिर्तामोड झापा नयाँ सरकारले आइतबार छुट्टी गराएको थियो। नयाँ शैक्षिक सत्रमा आइतबार विद्यालय…
घनश्याम रेग्मी नानीहरू चित्र बनाउँदै थिए धर्सा खिची रङ्ग लगाउँदै थिए उत्साहका हार्दिक रङ्ग घोलिए…
अम्बिका धिताल भक्तपुर "बुबा, योगले साँच्चै जीवन बदल्छ ?" छोराले बिहानको सुनौलो घाममा आँखा चिम्लिरहेका…