पुस ३, २०८१। नेपाल बालसाहित्य समाज र नेपाल प्रज्ञा-प्रतिष्ठानको संयुक्त आयोजनामा माघ २० देखि २४ सम्म हुने “बालपुस्तक प्रदर्शनी र उपत्यकाव्यापी स्थलगत विद्यालय स्तरीय कथालेखन प्रतियोगिता”को पोस्टर नेपाल प्रज्ञा-प्रतिष्ठानका कुलपति भूपाल राईज्यूबाट आज सार्वजनिक गरेर औपचारिक रूपमा कार्यक्रमको घोषणा गरियो । घोषणा कार्यक्रममा उपकुलपति एवम् बालसाहित्य विभाग प्रमुख विमलकृष्ण श्रेष्ठ (विमल निभा)को पनि समुपस्थिति थियो । गत वर्ष पनि दुवै संस्थाको संयुक्त आयोजनामा यसप्रकारको प्रदर्शनी र प्रतियोगिता पहिलोपटक भएको थियो ।