धनराज सिलवाल
मेरा साना हातले कलम सामाउॅछु
स्कूल जाने बेलामा सधैँ रमाउॅछु।
बुबु माम आमाले मलाई खुवाउनु हुन्छ
हात समाई बाबाले स्कूल लानु हुन्छ।
कापी कलम झोलामा राखी स्कूल जान्छु
स्कूल पुगी गुरूलाई नमस्कार पनि गर्छु।
हातले समाई कलम लेख्ने मन छ
मेरो सुन्दर लाग्छ मलाई आफ्नै सेरोफेरो।
क ख ग घ AB CD पढ्ने लेख्ने मन छ
ताली बजाई सबैसँग रम्ने मेरो मन छ।
तारा जून चम्किला छुन मन लाग्छ
बगानका फूलसँगै रम्न मन लाग्छ।
