रामप्रसाद पन्थी
रेसुङ्गा न पा २ गुल्मी
एकताका कुरा गराैँ भन्नुभयाे काका
एकताका कुरा सुन्दा खुले बन्द आँखा।
माहुरीकाे एकताले मह बन्छ मिठाे
एकतामै कमिलाले काम गर्छ छिटाे।
एकताले देश बन्याे नेपाल याे हाम्राे
वीर पुर्खा गाेर्खालीकाे चल्याे नाम राम्राे।
नेपालीकाे एकताले शत्रु हार खाए
शक्तिशाली भएपनि लाखापाखा लाए।
बल हुन्छ एकतामा फत्ते हुन्छ काम
टुक्रिएमा एकता याे हुन्छ बदनाम।
डाेरी बाँधाैँ एकताको सबै मिलीजुली
बाँञ्चुजेल जिन्दगीमा बसाैँ हाँसीखेली।
नेपाल याे फुलबारी हामी सबै माली
एकताले हरभरा पाराैँ मेची काली।
स्वर्गसरी देश हाम्राे अन्त कहाँ छ र ?
एकताको मन्त्र हाम्राे छराैँ विश्वभर।
