शिव पुन
हामी हाम्रो नेपाल , देश घुम्न जाऔँ
सँगसँगै मिलेर , मीठो गीत गाऔँ।
धौलागिरी माछापुच्छ्रे , उच्च सगरमाथा
तेन्जिङ हिलारी काे , महा वीर गाथा।
रारा फेवा तिलिचो , दाङ बाह्रकुने
सररर घुमि हेर्दा , साह्रै मन छुने।
चितवन बर्दिया , पश्चिम शुक्लाफाँट
बाघ भालु हात्ती गैडा , गरौ ठुलाे आँट।
काेशी नदि गण्डकी , हेरौँ कर्णाली
कर्णालीकाे स्वादै मीठाे , चाख्न पर्लानी।
काठमाडौं पाेखरा , पुगौँ सुर्खेत
इलाम धरान धनकुटा , गरौँ त्यही भेट।
दक्षिण तर्फ चारकाेषे , उत्तर उच्च हिमाल
सबै ठाउँ पुग्नु पर्छ , साह्रै राम्राे नेपाल ।
पशुपति स्वयम्भूनाथ , जाऔँ लुम्बिनी
स्वर्गद्वारी हलेसी , बराहक्षेत्र पनि।
मनकामना गाेरखकाली , देवी देउराली
बागेश्वरी देउती बजै , घुमौँ यसै पाली।
देवी – देउता महा-पुरुष , याे पुण्य भुमि
कस्लाई थाहा कस्ताे हुन्छ , अब अर्को जुनी।
