“माया”

185
Father with daughter and son walking together, cartoon vector illustrations isolated on white background. Young handsome dad holding his little son and daughter hand and walking together, happy family

रामप्रसाद पन्थी
रेसुङ्गा न.पा. २ गुल्मी

” बाबा मलाई पनि सानाेमा भाइलाई जस्तै माया गर्नुहुन्थ्यो हजुरहरूले ? ” छाेरीकाे यस जिज्ञासाले रामविलासलाई झसङ्ग बनायाे ।
” किन र छाेरी ? हामीले माया गरेजस्तो लागेन र ? ” रामविलासले प्रतिप्रश्न गरे ।
” तर बाबा भाइले विराम गर्छ । मम्मीले मलाई मात्रै गाली गर्नुहुन्छ । ” छाेरीले मम्मीकाे व्यवहारप्रति असन्तुष्टि जाहेर गरिन् ।
” त्यसाे हाेइन छाेरी । भाइ तिमीभन्दा सानाे छ । उसले कुरा बुझ्दैन । तिमी त कुरा बुझ्ने भयाै नि ।” रामविलासले छाेरीलाई सम्झाउन खाेजे ।
” तर बाबा भाइ पनि त आठ वर्षकाे भयाे । मभन्दा ५ वर्षले मात्रै त कान्छाे छ । उसले जतिबेला जे भन्याे त्यही पुर्याइदिनुहुन्छ हजुरहरूले । मलाई भने भाेलि भाेलि भनेर टारिदिनुहुन्छ । ”
छाेरीकाे यस भनाइले रामविलासकाे मुटुमा च्वास्स बिझाउँछ । रामविलासले मनमनै विचार गरे -” छाेरीकाे बाल मस्तिष्कमा भाइलाई भन्दा आफूलाई फरक व्यवहार भएकाे भान भएछ ।” उनले छाेरीलाई खुसी पार्ने मनसायले भने -” के चाहियाे त मेरी छाेरीलाई ? भन । म तुरुन्तै ल्याइदिन्छु ।”
” बाबा मलाई केही चाहिदैन । भाइलाई जस्तै माया गरे पुग्छ।”