रम्भा पौडेल
मिनु स्कुलबाट घर आइन्। घरको ढोकामा ताला लगाएको थियो। उनले यताउति हेरिन्। उनले आमा आमा भनिन् तर आमालाई कतै देखिनन्। उनले ढोकामा एउटा कागज राखेको देखिन्। उनले कागजमा हरिन् । कागजमा आमाले लेख्नु भएको थियो “—मिनु म बजार गएँ । चाबी म्याटको मुनि छ । तिमीले आज कोदोको रोटीको खाजा बनाएर खानू। यो पोषणयुक्त खाजा हो। जाडोको समयमा हामीले कोदोको रोटी खानुपर्छ। अनि गृहकार्य गर्नू ” भनेर लेखेको उनले देखिन् । आमाले लेखेको कागजमा ग्यांसबाल्दा ध्यान दिनु भनेर पनि लेखिएको थियो । मिनुले चाबी म्याटमुनिबाट झिकिन् र ढोका खोलिन् । उनले ड्रेस फेरिन् र हातमुख धोएर भान्सामा गइन्। उनले अलिकति कोदोको पिठो झिकेर एउटा भाँंडोका राखिन् अनि पानी हालेर ठिक्कको गिलो बनाइन्। मिनुले तावा ग्यासचुलोमाथि राखिन् अनि झ्याल खोलिन् र ग्यास बालिन् । उनले ताबामा अलिकति तेल राखेर रोटी पकाइन् । उनले फ्रिजबाट चटनी झिकिन्। अनि बैठकमा बसेर टि भी हेर्दै रोटी खाइन् । मिनुले खाएको भाँंडा बेसिनमा राखिन् र गृहकार्य गर्न थालिन्। बजारबाट किनमेल गरेर आमा आउनु भयो। मिनुले खाजा खाई गृहकार्य गरेको देखेर आमा खुशी हुनुभयो। आमाले मिनुलाई काखमा राखेर म्वाई खानुभयो। आमाले मिनुलाई स्याबास् छोरी भन्नुभयो।
