रञ्जुश्री पराजुली
मेरी सानीबैनी
घरमा सबकी प्यारी
म पछि जन्मेकी
मेरी कान्छीबैनी
नाम उस्को कमला
घरमा भन्छन् कान्छी
माया गरि बोलाउँने
नाम उस्को कान्छी
पछिल्लो सन्तानलाई
गाउँमा भन्छन् कान्छी
मेरीबैनी पछिल्ली
त्यसैले उनी कान्छी
चित्रकथा हेर्न
उनलाई मन लाग्छ
कापी कलम समाएर
लेखेपढे जस्तो गर्छिन्
पढ्न त्यति जान्याछैन
किताब पल्टाई
पढे जस्तो गरछिन्
मेरी कान्छी बैनी
कुकुरको छाउरा च्यापी
राम्ररी पढनुपर्छ भन्छिन्
पढ्नेलाइ माया गर्छन्
भन्छि मेरी कान्छी बैनी
कपडाको पुतली च्याप्प च्यापी
सङ्गैसुताउँछिन्
सपनीमा भुल्दै
आफू पनि निदाउँछिन्।
