डा छायादत्त न्यौपाने
खै त आमा कुटाे मेरो?
बारीतिर जान्छु
दादा आउनु साथी मलाई
खनी खाेस्री गर्छु।
खै त बाबा मलाई बिउ?
बिरुवा उमार्छु
धान मकै गहुताेरी
सिमी आलु लाउँछु।
दिदी आउनु साथी मलाई
गाेडी मेली गर्छु
मिलिजुली खेतीबाली
तरकारी फलाउँछु।
बाबाआमा दाइदिदी
आफैँ अघि सरौँ
फूलबारी रमाइलो
सबै सँगै खेलौँ।
खाेइ मेरा किताबहरू?
झट्ट खाेजिदिनुस्
प्रविधि र सूचनाहरू
सबै बुझाइदिनुस्।
आफ्नो लागि उत्पादन
हामी आफैँ गरौँ
माटासँग खेलिकुदी
माटामै रमाऔँ।
