रन्जुश्री पराजुली
हिमालको फेद मुनि धेरै राम्रो गाउँ
बस्छु त्यहिँ रमाएर कर्मा मेरो नाउँ।
भाइ बैनी साथीसङ्गी रमाएर खेल्छौँ
घुमाउन हामी सङ्गौ याक पनि लान्छौ।
हजुरआमा भित्र बसी उन कात्नु हुन्छ
हजुरबुबा याक भुवा जम्मा पार्नु हुन्छ।
मेरीआमा याक दुध जम्मा धेरै पार्छिन
अगेनामा दुध पकाइ छुर्पी घोटछिन्।
याक दुध खानाले स्वाथ्य पोसिलो
बालक बृद्ध् सबैलाई हुन्छ गतिलो।
पर्यटक आउ जाउ हाम्रो गाउँ तिर
हाइ हल्लो नमस्ते गर्छन् चारैतिर।
अथिति पर्यटक रमाएर बस्छन्
दही ढिडो मीठो मानि खान्छन्।
तातोचिया नुनिलो शर्पा पिउँछन्
याक घिउपोसिलो यस्मा मिसाउँ छन्।
शेर्पा गाउँ सफा सुग्घर स्वास्थ्य पनि राम्रो
केटाकेटी भन्टाङभुन्टुङ दुरुस्त र राम्रो।
जाडो हुन्छ गाउँ सबै हिउँले ढाक्दछ
सानोभाइ बजुसँग रमाइ आगो ताप्दछ।
जाडो बेला बाक्लो लुगा याक रौं न्यानो
बजु आमा बनाउँछिन लुगा ठुलो सानो।
दोचा बक्खु टोपी सबै याक ऊन राम्रो
बलियो र टिकाउ हुन्छ धागो औधी चाम्रो।
