नरिश्वर गौतम
भगवानको सुन्दर मूर्तिभित्र अचेल
दुष्ट दानवको रुप लुक्न थालेछ
दुखाइ मेट्ने मलमको बट्टामा अचेल
घातक नुनचुक बिक्न थालेछ ।।
बेइमानी, झुट र पापको सामु अचेल
सत्यनिष्ठा र न्याय झुक्न थालेछ ।
तृष्णा, वासना र आकर्षणसामु अचेल
साँचो मायाप्रेम पनि चुक्न थालेछ ।।
अमृत पान गराउनेकै मुखमा अचेल
मान्छेले जहर थुक्न थालेछ ।
फेसनले मान्छे नाङ्गिएको देखी अचेल
लाज नै लजाएर लुक्न थालेछ ।।
परिवार, आफन्त सबै छाडेर अचेल
मान्छे सन्जालमा भुक्न थालेछ ।
वैवाहिक सम्बन्ध सस्तो भई अचेल
बिच्छेदको बाटो फुक्न थालेछ ।।
इन्दु उपाध्याय हेलेम-मिसामारी,आसाम साँझको समय थियो। रोशन कार्यालयबाट फर्किएपछि सोफामा बसेर मोबाइलमा व्यस्त थियो। सामाजिक…
मणिराज भट्टराई गठ्ठाघर, भक्तपुर हुँदैन सन्तानको मायाँ कहिल्यै पनि धेर थोर मैले सम्झिएकै छु तिमीले…