रोहिणि रसिक
आफ्नै बगैँचाभरि लालुपाते
गोदाबरी फूल फुले मजाले
खोज्लान् र को इङ्लिस फूल किन्न
पारेर आफ्नै भुइँफूल खिन्न।
आफ्नै चमेलीसित मग्मगाई
मर्काउदैं कम्मर नाच्न जान्ने
नाच्लान् र को इङ्लिस गीत गाई
पारेर आफ्नै भुइँ गीत खिन्न।
चर्खा घुमाएर यहीँ बुनेका
बिर्सेर आफ्नै सिपले उनेका
हिँड्लान् र को इङ्लिस वस्त्र किन्न
पारेर दौरा सुरुवाल खिन्न।
संस्कार भाषा परिवेश गाढा
बुझ्नेहरू देश महत्त्वपूर्ण
जालान् र को देश भुलेर टाढा
पारेर माटो र समाज खिन्न।
परोपकारी युग लेख्न सक्ने
भविष्य भन्दा पर देख्न सक्ने
सक्लान् र को बस्न बनेर झुम्म
आफ्नै बनाई मन छिन्नभिन्न।
आफ्नै उज्यालोसित खेल्नलाई
पाए भने बाँच्न स्वतन्त्र खाई
गर्लान् र को इङ्लिस बोल्न यत्न
पारेर भाषा हरबार खिन्न।
आफ्नै कला धर्म सहिष्णुतामा
अफ्नै सके हिड्न स्वयम् बुतामा
बस्लान् र को आस गरी उताको
पारेर आशा प्रतिबार खिन्न।
आदर्शले व्योमित व्यूहबाट
थाल्यो भन्ने छर्न सधैँ प्रकाश
पर्दैन खोज्नै सुख जानु अन्त
पारेर माटो परिवार खिन्न।
मचिन्द्र खत्री म लागेँ माइत आज हो औँसी पिताजी भेट्नु छ तिर्सना मीठो त्यो बाल्यकालको…
बलराम दंगाल रत्ननगर,चितवन हाल-अष्ट्रेलिया आज दिउँसो पुरानो हाजिरी पुस्तिका पल्टाउँदै गर्दा उनको नजर अर्जुनको नाममा…
वसन्त अनुभव वसन्तविहार,घोराही सबै साथी मिलेर श्रम आज गरौँ न, आफ्नो देश आफैँ नै सीपले…
धनराज सिलवाल ज्ञानी बन छात्र -छात्रा बढाउँदै आफ्नो ज्ञान बोक लक्ष चन्द्र छुने बढाउँदै आफ्नो…