शोभा कोइराला
खेतले अन्न फलाइदिन्छ प्राणीका निमित्त
बुझेर कर्म मानिस गर्छन् खानका निमित्त
दर्कियोस् पानी चर्कियोस् घाम सम्पूर्ण खपेर
असारे भाका गाउँछन् पाका खेतमा झरेर ।
मस्तिष्क चङ्गा हातको ऊर्जा जमिन असार
भएमा पक्कै बन्नेछ राम्रो फसल उमार
मंसिर सम्झी गर्दछन् काम प्रेममा परेर
असारे भाका गाउँछन् पाका खेतमा झरेर ।
कर्मठ बन्ने जनका निम्ति असार मुख्य छ
असार मास बाह्रमा एक महत्त्व दिव्य छ
अनाजलाई उमारिदिने जमिन हेरेर
असारे भाका गाउँछन् पाका खेतमा झरेर ।
मधेस हाँस्छ असार आयो भनेर रमाई
हिमाल भन्छ पहाडलाई क्या राम्रो तराई
मादल डम्फु बजाईकन उमङ्ग भरेर
असारे भाका गाउँछन् पाका खेतमा झरेर ।
असारलाई हर्सित पार्छन् खेतका बालीले
किसान सारा श्रममा डुब्छन् पसिना धारीले
वर्षदिन खाने बालीको रूप मनमा गमेर
असारे भाका गाउँछन् पाका खेतमा झरेर ।
दुर्गा घिमिरे बारीको छेउमा गाँजाको एउटा बोट थियो। एक दिन हरिमानले फेसबुकमा कसैले लेखेको देखे—…
Canada vs. MoroccoParaguay vs. FranceETBrazil vs. NorwayMexico vs. EnglandPortugal vs. SpainUnited States vs. BelgiumArgentina vs.…
उषा गुरुङ नझोसी दाउरा बल्दैन चुल्हो कसै गरी चुल्हो नबली पाक्दैन खाना त्यसै गरी। खाना…
शालिकराम सत्याल आकाशबाट पानी झर्छ हरियाली चारैतिर छर्छ खेत बारी सबै हरिया हुन्छन् गाउँमा नयाँ…