घनश्याम रेग्मी
खेतको बाँझो खनेर
बाउसे हली बनेर
दिलको गरा सम्याई
गरौँ लौ धान रोपाइँ
पानीको धारो कल्कल
माटो र पानी छल्बल
तारे र माले हाँकेर
कर्मका द्यौता भाकेर
छेउ र कुना खोपेर
एउटा बीउ रोपेर
मानोले मुरी फलाऊ
भविष्य खेती फलाऊ
किसानी पेसा चोखो छ
पेटको सधैँ भोको छ
बाँडेर खान्छ सबैमा
गर्दछ गर्व यसैमा
कोमल हात चल्दछन्
कर्मको भाव बोल्दछन्
असारे भाका गाएर
मनको भाव घोल्दछन् ।
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…