नरिश्वर गौतम
असार पन्ध्र दही र चिउरा,
साउन पन्ध्र खीर
पुसको पन्ध्र तिहारे खाजा,
माघीमा खेल्ने गीर ।।
छुपुमा छुपु धान है रोपौँ,
दबदबे हिलोमा
सबै र जना खेतमा जाऊँ है,
नगरी ढिलोमा ।।
फुर्सद छैन पकाउन खाना,
सबलाई छ हतार
जाँगर गर्ने पटुकी बाँधी,
महिना हो असार ।।
आजको दिन खाजा र अर्नि,
खाउँला नि चिउरा दही
गर्मीको बेला शीतल पार्ने,
आहा! क्या मीठो मही ।।
भएर खुशी बाउसे हली,
ब्याडे र रोपार सबैले गाउँदा
असारे भाका,
आनन्द अपार ।।
नभनौँ कोही नेपालमा बसी,
गुजारा चल्दैन नगएसम्म
मुग्लान र खाडी,
चुलो नै बल्दैन ।।
अनेक थरी फलफूल अनि,
तरकारी फल्दछ
सुनौँला बाला चैते र मार्सी
धान पनि झुल्दछ ।।
जाँगर भए छैन है गाह्रो,
पाल्नलाई जहान
मानोमा छरी मुरी है फल्ने,
धर्ती छन् महान् ।।
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…
View Comments
Thank you for your sharing. I am worried that I lack creative ideas. It is your article that makes me full of hope. Thank you. But, I have a question, can you help me?