निरज काेइराला
“लक्ष्मी जी ! तपाईँ कता कता जानुहुन्छ ? ठुला ठुला पटका पट्काएर विश्वभर हर्ष बढाइँ गरेर स्वागत गरिरहेछन् ।” नारदले साेधे । लक्ष्मीले भनिन्, “नारद जी विश्वभर घुम्न सक्दिन । मात्र एक ठाउँ अवश्य जान्छु ।”
नारद छक्क परेर साेधे, “लाै , लक्ष्मी जी सबैभन्दा धेरै झिलिमिली बत्ती बाल्ने र सबैभन्दा ठुलाे पटका पड्काउने ठाउँमा हाे ? म तुरुन्त बुझेर आऊँ ?” लक्ष्मीले हाँसेर भनिन्, ” पर्दैन, ठुला पटका, बजारे झिलिमिली धन पैसा प्रदर्शन मलाई खुसी पार्न गरेका हाेइनन् ।” ट्वाल्ल परेर नारदले भने, “अनि, किन गरेका त ?” लक्ष्मीले हाँसेर प्रस्ट्याइन् , “त्याे त दुनियाँलाई आफू ठुलाे देखाउन र सामाजिक सञ्जालमा हालेर लाइक कमेन्ट बढाउन ।” नारद झन अलमल परेर फेरि साेधे, “उसाे भए हजुर आफैँ भन्नुस् न त कहाँ जाने ?”
लक्ष्मीले भनिन्, “पवित्र भावनाले मेराे आस्था राख्ने कहाँ ।”
