उब्जनी

प्रतिज्ञा प्रतिज्ञा
मेहेलकुना सुर्खेत

“अफिस थिएन!”
घरमा देखेपछि उनले सोधे।
“आज छुट्टि थियो त्यसैले अनि यता धेरै दिन पछि आयौ त केमा व्यस्त थियौ र!”
प्रवेशले भने।
“हेर न बर्खाको समय खेतीपाती पनि गर्नै पर्यो।”
साथीले भने।
“रोप्ने बेला भैसक्यो र?”
प्रवेशले प्रश्न गरे।
“अब केही दिनमा हुन्छ।”
साथीले जवाफ दिए।
“भोकमरीको समस्या नआओस भनेर यो समय हामीले धेरै अन्न फलाउनुपर्छ।”
प्रवेशले सजग गराउदै भने।
नजिकै बसेर सबै कुरा सुनिरहेको प्रवेशको छोरा हास्यो।
“किन हाँसेको बाबु !”
प्रवेशले आश्चर्य हुँदै भने।
उसले झ्यालबाट पर आफ्नो खेत देखाएर ब्यंग्य गर्दै भन्यो।
“बाबा धेरै उब्जनी गर्न अंकल जस्तै पो गर्नुपर्छ कहाँ बाँझो राखेर हुन्छ त ?”