उपेन्द्र कुमार पोख्रेल
म एउटा किसानको छोरा हुँ। मेरो लागि माटो केवल माटो होइन, यो मेरो पहिचान हो। यही खेतमा बुबाआमाको पसिना बगेको छ, यही माटोले हाम्रो परिवारको सपना हुर्काएको छ।
आज फेरि आफ्नै खेतमा धान रोप्दै एउटा कुरा मनभरि महशुस भयो, हामीले एक छाक मिठो खाना खानुअघि कुनै किसानले घाम, पानी, हिलो र दुःखसँग लडेर त्यो अन्न उब्जाएको हुन्छ।
किसानका हातमा लागेको हिलो वास्तवमा देशको भविष्य हो। त्यसैले किसानको सम्मान गरौँ, कृषिलाई माया गरौँ। माटोसँग जोडिएको मान्छे कहिल्यै कमजोर हुँदैन, किनकि उसले जीवन उमार्न जान्दछ।
म किसानको छोरा हुँ, र यो मेरो सबैभन्दा ठूलो गर्व हो।
