“गमलाको फूल”

रञ्जुश्री पराजुली

मेरी आमा भन्छिन्
मलाई गमलाको फूल रे
सानो मात्र न रहेर
हुर्कदै जान्छु रे
गमलाको बिरुवा
सानै बाट हुर्किएर
ठूलो हुँदै जान्छ रे
समय पुगेपछी
फूल फुल्न थाल्छ रे
म पनि अहिले सानो छु
भोलि ठूलो हुन्छु रे
ठूलो भए पछि
राम्रो कार्य गर्छु रे
आमाको आशिर्वाद
धेरै पवित्र र चोखो
बिरुवाले फूल फुली
मगमग वास्ना छर्छ
त्यस्तै ठूलो भए पछि
म हुर्किएर राम्रो
पथ समाएर असल
इलम राम्रो गर्छु रे
एका तीर फूलको वास्ना
हावाले फैलाउँछ
अर्को तिर म पनि योग्य
बनी नाम फैलाउँछु
देशको सेवा गर्ने जिम्वा
भोलि हाम्रो नै हुने छ
गमला बीच सुन्दर फूल मुसुक्क हाँस्छ
घरभित्र गमलाको फूल म पनि हाँस्छु
भनी भन्छिन् आमा
आमाको वचन पुरा गर्ने
हुन्छ मेरो ध्यान
आमाले सोचे जस्तै
अवश्य पनि बन्छु म।