“गुरु पूर्णिमा”

रामप्रसाद पन्थी
रेसुङ्गा नगरपालिका२,छापटाेला गुल्मी

घर हाम्राे पाठशाला बाबाआमा गुरु
यहीँबाट जिन्दगीकाे यात्रा हुन्छ सुरू।

सिक्ने अनि सिकाउने थलाे आफ्नै घर
बाबाआमा जस्तो ठूलाे गुरु काे नै छ र ?

दिनुहुन्छ खान मिठाे अर्ती बुद्धि धेरै
सरस्वती देवी रूप मान्छु आमा मेरै।

जीवन याे अधुरो छ गुरूबिना हाम्राे
भाग्यमानी हुन्छौं हामी गुरु पाए राम्रो।

गुरूले नै दिनुहुन्छ ज्ञान सीप शिक्षा
अनि मात्रै पूरा हुन्छन् साथी हाम्रा इच्छा।

मान्नुपर्छ गुरु आज्ञा नमानेर झर्काे
सत्य कर्म सिकाउने छैन काेही अर्को।

गुरु ब्रह्मा गुरूर्विष्णु गुरुदेवमहेश्वर
गुरुसाक्षात् परम् ब्रह्म भन्या त्यसै हाे र ?

सधैंभरि मान्नु पर्छ गुरूलाई साथी
पूर्णिमाका दिन मात्रै मान्नु कति जाती ?

म त मान्छु सधैंभरि बाबा आमा गुरु
तिमी पनि मान है त साथी मेरी सरू।