बिचन्द्र रायमाझी “मुस्कान”
इस्मा २ गुल्मी हाल तानसेन,पाल्पा
चाहे बाल शिक्षा होस,
चाहे उच्च शिक्षा होस,
शिक्षा शिक्षा नै हो,
शिक्षा दिने भनेको गुरु नै हो।
आफू अन्धकारमय भएर,
अरुलाइ उज्यालो छर्छन,
आफू खोक्रो भएर,
अरुलाई भरिभराउ गर्छन।
यता धन भन्दा विद्या ठूलो पढाउनुपर्छ,
उता भए युरोप नभए खाडी भिसा लगाउनुपर्छ,
अझ भन्नुपर्छ स्वदेशमै केही गरेर बस्नुपर्छ,
भिसा आउनसाथ आफैले झोला कस्नुपर्छ।
नियमले भन्छ त विद्यालयमा जा,
सरकारले भन्छ त सडकमा जा,
नियमले भनेको मान्ने हो भने जीवन धान्न मुस्किल पर्छ,
सरकारले भनेको मान्ने हो भने ज्यान जोगाउन मुस्किल पर्छ।
गुरुलाई सम्मान गर्न जानेन सरकारले,
मार्गदर्शक गुरु हुन ठानेन सरकारले,
दासी बनाएर राख्न खोज्दै छ सरकार,
गुरुलाई गिराउने बाटो रोज्दै छ सरकार।
गुरु बिनाको शिक्षा अधुरो हुन्छ,
शिक्षा बिनाको जीवन अपुरो हुन्छ,
गुरु मार्गदर्शक हुन ठान्नुपर्छ,
त्यसैले गुरु गुरु नै हुन मान्नुपर्छ।।
पुण्यप्रसाद घिमिरे बैत्यश्वर- ६,दाेलखा २०८३/४/२२ दुधका तुर्काे, तेलकाे थाेपाे, सुर्तीकाे खिली, केराकाे काेसाे। काँचै काेक्याउँछ,…
धनराज सिलव हिमाली काखमा बसी विद्यार्थी आगाडि लम्कन्छौँ यो देशको मायालाई बोकी तारा झैँ सदा…
रोजिना घिमिरे अन्धकारको यो अनन्त सुरुङभित्र उभिएर म आफ्नै अस्तित्वको ढकढक्याहट सुनिरहेको छु। गुरु, तपाईँले…