छायादत्त न्यौपाने
मिठा फल शीतल छाया
रुख मेरा गुरु
खाेला झर्ना ढुङ्गा माटाे
उत्पादन गुरु
शिक्षा दीक्षा व्यवहारमा
झुल्किदिने गुरु
गुरुजनकै देन हुँ म
हिँड्छु खुरुखुरु
कर्म गर्नु प्राणी हित
रम्नु सबैसित
सँगसँगै खेल्नु कुद्नु
बन्नु सधैं मित
ज्ञानगुन सिप जाँगर
सिकाउने गुरु
उज्यालोमा खेलाउने
जीवन सार गुरु
कमिला र मौरीहरू
पशुपन्छी गुरु
अनुशासन बताउने
विधि सबै गुरु
अँध्यारोलाई चिरिदिने
सिर्जना हुन् गुरु
चेतनाकाे दैलाे खाेल्ने
कर्मयाेग गुरु
गुरुशिष्य परम्परा
आस्था बिउँझाउँछ
नजिक्याउँछ सिकाइले
जीवन उजिल्याउँछ।
सुमन कडरिया चितवन एउटा बिहान आमाले छोरीको अनुहारमा असजिलो भाव देखिन्। “के भयो नानी ?”…
शोभा कोइराला गर्मी जाऊ अब त अति भो मेघमाला खुलाई खोलानाला जमिन हरिया ग्रीष्मले छ्न्…
रमेशचन्द्र घिमिरे झिलिमिली इन्द्रेनीको रङ्ग जिउमा छरी हामीसँग खेल्न आऊ आकाशकी परी। हावासँग उड्दै मिठो…