कृष्णशरण उपाध्याय पौडेल
बस्छन् जङ्गलमा सारा , घुमन्ते जन राउटे
निल्छन् पीडा व्यथा गाह्रा , घुमन्ते जन राउटे
खोज्छन् जङ्गलमा चारा , घुमन्ते जन राउटे
जो हुन्छन् अति नै प्यारा , घुमन्ते जन राउटे
रोग भोक गरीबीका , बोकी पर्वत टाकुरा
रेट्दैछन् पेटमा आरा , घुमन्ते जन राउटे
पार्टी या दलका झण्डा , बोक्दैनन् तिनले कसै
लिन्नन् चुनावका नारा , घुमन्ते जन राउटे
आफ्नो पौरखमा मात्रै , गर्छन् विश्वास ती सब
जो झार्छन् पसिना धारा , घुमन्ते जन राउटे
डोटी सुर्खेत दैलेख , अछाम मुगु बाजुरा
बस्छन् जो बर्दिया बारा , घुमन्ते जन राउटे
काठ का थलिया बोड्का गिलास पनि काठका
लिन्छन् घैँटा र अङ्खारा , घुमन्ते जन राउटे
शिक्षा दीक्षा र संस्कार कला – शिल्प सिके भने
बन्लान् सूर्य शशी तारा , घुमन्ते जन राउटे।
मणिराज भट्टराई गठ्ठाघर, भक्तपुर हुँदैन सन्तानको मायाँ कहिल्यै पनि धेर थोर मैले सम्झिएकै छु तिमीले…
लालबहादुर भुजेल पहिलै पहिलै हिन्दू धर्म संस्कृतिकाे पढाई, गुरूकुलमा हुने गर्थ्याे लेखाई र सिकाई !…
अन्जु शर्मा रातोपुल मूर्तिका आँखाबाट आँसु खसे। उसले ढोकाबाट अवलोकन गर्दै गरेका मूर्तिकारलाई नमन गर्दै…