गणेश आत्रेय
मदनपोखरा,पाल्पा
चमक्क चैत चम्कियो फुलेर फूल फक्रिए;
पहार भीर कन्दरा बगान टार रङ्गिए।
हराभरा भए सबै लता र कुञ्ज कानन;
बहार बैँसको चल्यो सिँगारिएर आनन॥
चराचरी मिले रचे सुरम्य वास मङ्गल;
जुटेर जोर जन्तुका रमाइलो छ जङ्गल।
चुली चुलिन्छ चम्किदै बसेर फाँट हाँस्दछ;
बगी नदी र निर्झरी सरर्र ताल नाच्दछ॥
झरी र शीत छैन खै न पोल्छ घामले कतै;
हवा छ मन्द मीतझैँ मिठो सुसाउँदो यतै।
छ छाँट यो विचित्रको सुरम्य चैत्र चाँदनी;
रमाइलो हँसाइलो प्रभात रात पावनी॥
झुले फुले सुनाखरी गुराँस नाच्छ चाँचरी;
लुकेर प्रीत चित्तमा उमङ्ग भर्दछन् परी।
घुमी झुमी खुसी चुसी छ मात-मस्त माहुरी;
सँगी र सङ्गिनी मिली रजाइँ गर्छ न्याउरी॥
लता र कुञ्जमा लुकी’कुहूँ”कुहूँ”कहाँ”कहाँ’;
वसन्त डाक्दछे छिटो रमेर कोइली यहाँ।
समस्त जीवजन्तुमा खुसी उमङ्ग छर्दछ;
भरेर प्रीत प्राणमा विषाद चैत्र हर्दछ॥
घनश्याम रेग्मी नानीहरू चित्र बनाउँदै थिए धर्सा खिची रङ्ग लगाउँदै थिए उत्साहका हार्दिक रङ्ग घोलिए…
अम्बिका धिताल भक्तपुर "बुबा, योगले साँच्चै जीवन बदल्छ ?" छोराले बिहानको सुनौलो घाममा आँखा चिम्लिरहेका…
योग दिवसका अवसरमा मुकुन्द शर्मा कार्यमा कुशल बन्नुपर्दछ जिन्दगी सरल चुन्नुपर्दछ वृद्ध बालक तथा युवाजन…
चेतनाथ दाहाल ज्ञानी भइ राम्रोसँग पढ बाबू नानी राम्रो लक्ष लिई अधि बढ बाबू नानी…
फेसबुक कवि बैत्यश्वर-६,दाेलखा कुरा बुझ बाबु नानी, बाबा भन्नुहुन्छ, ओैलाभाँच्दै आमा पनि, कामै गन्नुहुन्छ। चाँडै…