जन्मदिन

ह्रदय लेकाली

ए समीरका बाबा, “भोलि छोराले मेरो जन्मदिन मनाइदिनुपर्छ भनेर कचकच गरेको छ के गर्ने ?”
पत्नीका कुरा सुनेर उनले भने, “ठिकै छ नि त ससानो केक काटेर मनाइदिउँला नि ।”
यत्तिकैमा समीर टुप्लुक्क आइपुग्छ र भन्छ “बाबा भलि के हो नि। थाहा छ तपाईँलाई ?”
बाबाले भने भोलि शुक्रबार हो ।”
बाबाका कुरा सुनेर समीर भन्छ “भोलि शुक्रबार त हो बाबा तर ……. ।”
बाबाले भने “तर के ? ”
समीरले भन्यो “बाबा भोलि मेरो जन्मदिन ।” छोराका कुरा सुन्दै उनले भने “ठिकै छ नि त । जन्मदिन आउँछ जान्छ।”
समीरले भन्यो “नाइँ बाबा जन्मदिन मनाउने तर कसरी ?”
बाबाले भने “मलाई के थाहा कसरी मनाउने भनेर।”
समीरले भन्यो “अँ बाबा यसपालि केकसेक नकाट्ने बरु अनाथ आश्रममा गएर अनाथहरुलाई मिठाई फलफूल कपडा भोजन दिएर मनाउने हो। गीत सङ्गीत गाएर नाचेर रमाएर मनाउने हो । केक काटेर बत्ती निभाएर हैन बरु झलल बत्ती बालेर सबैसित हाम्रै परिकार खाएर मनाउने है बाबा ?”
छोरा समीरका कुरा सुनेर दुबैजना खुसी भए।
भोलि समीरकै सोच अनुसारको जन्मदिन मनाउने कुरामा सहमति र निधो गरे।