अनन्तकुमार बस्नेत
टोपी लगाऔँ अति गर्वसाथ
हिमाल झैँ उच्च हुनेछ माथ
श्रीपेच आभूषण सान-मान
नेपालको यो पहिचान जान।
टोपी लगाए दुनियाँ निहार्छ
मुहार हाम्रो झलमल्ल पार्छ
देखेर टोपी अति गर्व लाग्छ
र चित्तमा राष्ट्रिय भाव जाग्छ।
टोपी अहा पूर्वजको चिनो हो
र एकताको बलियो मियो हो
लाइन्न यो तस्विर खिच्न मात्र
सञ्जालमा चर्चित बन्न मात्र।
टोपी अलङ्कार सिँगार हाम्रो
दुरुस्त शोभा शिरपोस हाम्रो
टोपी दिने गर्छ खुदै चिनारी
नेपाल नै बोक्दछ झल्ल पारी।
लाएर टोपी शिर यो सजाऊँ
सम्मान हो इज्जत हो बढाऊँ
यो राष्ट्रको गौरव तोड्नु हुन्न
तसर्थ टोपी अब छोड्नु हुन्न।
घनश्याम रेग्मी "कहिल्यै बिरामी पर्नु भएको छ ?" कसैले प्रश्न गर्यो भने म लगायत…
शम्भु ढकाल सूर्याेदय न पा १२ आठघरे,इलाम "के गर्दै हुनुहुन्छ आमा ?" साँझपख छाेरीले फाेनमा…
शोभा कोइराला वसन्तकी सुन्दर पुष्प नारी लज्जा भएकी पनि दिव्य नारी नारी बिनाको घर नै…
सुरेशकुमार पाण्डे दाङ घोराही १८ "ओहो बालकले के काम गर्छ ?"- डाक्टर पुनितले रामेको हात…
गणेश आत्रेय मदनपोखरा,पाल्पा हाम्रो नाति छ हेर; अल्छी छैन ल हेर। प्रातः काल सबेर; उठ्छ…