रमेशचन्द्र घिमिरे
भोर्लेटार, लमजुङ
उरुङ बनाई पातको
मर्याकमुरुक मिचेर
आँख्ला डाँठ निकाली
सिलौटामा थिचेर
हत्केलामा फिँजाई
सुत्ने बेला रातमा
तिउरी लाइदिन् आमाले
दाहिने हातमा
रातो पार्न मेरो हात
बज्यैसित सोधेर
तिउरीसँगै पिनिछन्
मकरकाँची खोजेर
मुड्की पार्दै घुसार्दै
कर्कलाको पातमा
तिउरी लाइदिन् आमाले
देउरे हातमा
झुम्रो कस्दा मुठीमा
ला छेकियो
हेर्दाहेर्दै आफ्नै हात
भकुन्डोझैँ देखियो
नमिल्ने भो कोट्याउन
सिन्का हाली दाँतमा
तिउरी लाइदिन् आमाले
दुइटै हातमा।
निमा छिरिङ भोटिया जलढाका कालेबुङ भारत "लु अब हाम्रो छोरो पनि ठूलो भएछ" भन्दै आमाले…
ध्रुवराज थापा 'पुरुष' काभ्रे, पनौती। हाल: कपन, काठमाडौं मेरो हेलमेटमाथि पानीको बोतल बजारियो। बस हुईँकि…
रञ्जुश्री पराजुली सबै साथीहरुसँग एकसे एक मोबाइल छ। आफुसँग भने थोत्रो। अरुलाई देखाउन पनि लाज…
पुण्यप्रसाद घिमिरे दाेलखा नाना बाबा आमा चाचा, बाेली हाम्रै हाे, खेल्न मिल्ने नपड्कने, गाेली हाम्रै…
नवलपुरकी सानी प्रतिभा सजनी तामाङ अहिले आफ्नो उत्कृष्ट फुटबल खेलका कारण चर्चामा छिन्। कक्षा ६…