धुम्रपान

तुलसी पण्डित

धुम्रपान स्वास्थको लागि हानिकारक छ ।”
“हेर हामीले कहिल्यै पनि चुरोट सुर्ती खैनी पुकार खानु हुँदैन । यसले क्यान्सर रोग लाग्छ । दम बढ्छ । पाचन शक्ति ह्रास हुन्छ ।” सबै अचम्मित भए।
“कसरी सर ?” हेर चुरोटको सेवनले फोक्सो सबै कालो हुन्छ । जसका कारण फोक्सोले हावामा रहेका खराव तत्व छान्न सक्दैन । जसले गर्दा हामीलाई आवस्यक पर्ने अक्सिजनको अभाव हुन गइ दम बढ्दै जान्छ र त्यसले हाम्रो मृत्यु पनि हुन सक्छ ।” “यसलाई कसरी प्रमाणित गर्ने सर?”
“ल हेर म प्रयोग गरेर देखाउछु तिमीहरूलाई । ”
सरले देखाएको प्रयोगले सबै विद्यार्थी आश्चर्य चकित भए। स्कूलबाट पढेर घरमा पुगेको छोरालाई बाबाले अह्राउँदै भन्नु भयो। “पख्नुहोस् बाबा म आज एउटा प्रयोग गर्छु।”
ऊ दौडदै भित्र गयो । एक सानो सिसा र केही कपास लिएर आयो।
उसले कपास पानीमा भिजायो र त्यसलाई सिसाको मुखको तल पर्ने गरि राख्यो।
“ल बाबा अब चुरोट सल्काएर त्यसको धुवाँ सिसा भित्र पर्ने गरि फ्याक्नुहोस् त।”
बाबाले चार पाँचपल्ट सम्म चुरोट तान्दै सिसामा फ्याँक्दै गर्नु भयो र आश्चर्य मान्दै भन्नु भयो।
“ल हेर अघि सम्म कपास कति सफा र सेतो थियो । अहिले त पूरै कालो भयो।”
छोराले बाबातिर फर्कदै भन्यो।
“अब विचार गर्नुहोस् बाबा तपाईँले खाने चुरोटको धुवाले तपाईँको फोक्सो कस्तो भएको होला । तपाईँलाई दम बढेको कारण पनि यही चुरोटको धुवाले हो । फोक्सो पूरै कालो भएपछि फोक्सोले अक्सिजन छान्न सक्दैन।”
“छोरा तिमीले आज मेरो आँखा खोली दियौ, आजबाट मैले धुम्रपान त्याग गरे।”