नाति हजुरबाका कुरा

डा छायादत्त न्यौपाने

नाति-हजुरबा ! याे सामाजिक सञ्जालमा नि धेरै मान्छेकाे नजर पुग्छ । धेरै थाेक देखिन्छ।
हजुरबा- हाे र बाबू, कसरी?
नाति- सामाजिक सञ्जाल भनेको बिजुली र हावाकाे सहयाेगले रेडियो, टेलिभिजनमा जस्तै गरी विभिन्न दृश्य देखाउने यन्त्र हाे, दृश्य आउँछन् । यी जताततै पुगेर देखिन्छन्।
हजुरबा- यसमा त सबैले ज्ञानगुनका कुरा राख्छन् हाेला है!
नाति -हाे, हजुरबा , ज्ञानगुनका कुरा, हाम्राे संस्कृतिका नयाँ पुराना कुरा, विभिन्न सिप सिकाउने, इतिहास बताउने जस्ता धेरै सामग्री राख्छन्।
हजुरबा – अनि अरु रमाइला कुराहरू पनि हुँदा हुन् ?
नाति- हाे,गीत सङ्गीत र नाचगान पनि हुन्छन् तर कति त अलिक नराम्रा कुरा राख्नेहरूले बिगारेका पनि छन् हजुरबा।
हजुरबा-के राख्छन् र त्यस्तो नराम्रो,सबैले हेर्ने ठाउँमा त असल कुरा राख्नुपर्ने हैन र ? मान्छे त सबै बुद्धि भएका असलै हुन्छन्।
नाति – कहाँ सबै असल हुन्छन् हजुरबा ! नक्कली परिचय बनाएर चाहिने नचाहिने कुराहरू टाँसेर फाेहाेर पार्छन्। फाेहाेरी मान्छेले बिगबिगी मच्चा छन् नि सञ्जालमा!
हजुरबा- हाे र ! जाेगिनुपर्छ है ! फाेहाेरबाट नत्र त राेग लागिहाल्छ।
नाति- हाे , हजुरबा ! फाेहाेर त फाेहाेर हाे नि बाहिरको फाेहाेरमा शरीर राेगी बनाउने किटाणु भएजस्तै सामाजिक सञ्जाल (फेसबुक)मा त बुद्धि विवेक सबै राेगी बनाउने झन् ठुलाे खतरा हुन्छ । जिन्दगी नै ध्वस्त पार्न बेर लाउन्न।हजुरबा- हाे, है ! यस्तोमा फस्न हुन्न है ! फस्न हुन्न । यस्ता विसङ्गति विकृति ल्याउने दृश्य र कुराहरू त राख्ने टाँस्ने काम पनि गलत हाे कानुनले समाउँछ,अपराधी भनेर कारबाही गर्छ । बच्नुपर्छ है ! बच्नुपर्छ।
समाचारले त कतिलाई कारबाही कुरा सुनाउँछ!
नाति – हाे , हजुरबा ! हजुरकाे नाति यस विषयमा ध्यान दिन्छ । राम्रो – नराम्रो कुरा थाहा पाउँछ र नराम्रो फाेहाेरबाट टाढै रहन्छ , छुँदैन , हेर्दैन पनि गनाउने फाेहाेर!
हजुरबा- हाे बाबू ! याे धेरै बेरसम्म हेरिरहन पनि नहुने रहेछ । कहिलेकाहीँ एकछिन मात्र केही सूचनाहरू मात्र हेर्नुपर्ने रहेछ।
नाति- हाे हजुरबा ! २४ घण्टा १ दिनभरिमा १-२ घण्टा भन्दा बढी हेर्नु राम्रो हुन्न । हाे, कुनै खास विषय पढाइ लेखाइकाे विषय छ भने उपयोग गर्ने हाे नत्र धेरै हेर्नु चलाउनु राम्रो हाेइन । बानी लाएसी छाेड्न गाह्रो हुन्छ । पहिले नै सचेत हुनुपर्छ।
हजुरबा- मेरो नातिलाई धेरै कुरा थाहा रहेछ, अनि सचेत पनि । कति राम्रो ! तिम्रो कुरा सुनेर धेरै जानकारी पाएँ । खुसी लाग्याे बाबू !
धन्यवाद छ तिमीलाई!
नाति- स्वागतम हजुरबा….