“प्रकृति”

नव वर्ष २०८३ को हार्दिक मंगलमय शुभकामना।

शान्ति भण्डारी दाहाल
बुद्धनगर काठमाण्डौँ

तिमी आयौ बसन्त ऋतु
सुन्दर पालुवा र मुना छन् लपक्कै
यहाँ नाच्दै गाउँदै छन् चराहरु
त्यस्तै छन् रङ्गि चङ्गि फूलहरु
चारैतिर हरियाली छन् ढपक्कै।

अनेकौँ थरिथरि रुप देखाउदै आयौ
तिमी घुम्दै आयौ
मन चङ्गा जस्तै छ
सधैँ म तिम्रै पर्खाइमा थिए
जता गयो उतै यो मन रमाउने बनायौ।

तिमी आयौ बसन्त ऋतु
तिम्रो आगमनसँगै कोईली बास्न थाल्यो
म आफैलाई सोच्छु यो कला कस्तो छ?
यो रच्नेलाई हेर्ने मन थियो,
यस्तै सोच्दै तिम्रो अनेकौँ रुप हेरी
यो मन हाँस्न थाल्यो।

सधैँभरि आफ्नै तालमा हाँसिरहने तिमीले
आफ्नु रुपको सुगन्ध
बाँड्दै सदाबहार घुम्दै फिर्दै आईदियौ।
अनेकौं थरिथरि रुप देखाउदै मायाँ
हाँसिरहने तिमी आयौं बसन्त ऋतु!!