बालबालिकालाई पूर्वपश्चिम कसरी चिनाउने?

नरिश्वर गौतम

बिहानै हेर त फर्केर
जताबाट आउँदैछ घाम
बढ्दै जान्छ उज्यालो
पूर्व दिशा त्यसको नाम ।।

दायाँबायाँ फैलाऊ हात
बिस्तारै माथि चढ्छ
घाम जब जान्छ तिम्रो पछाडि
पश्चिम दिशा त्यसको नाम ।।

जता छ तिम्रो बायाँ हात
अग्ला हिमाल त्यतै छन्
देखायो बायाँ हातले जहाँ
उत्तर दिशा त्यसको नाम ।।

जता छ तिम्रो दायाँ हात
समतल फाँट त्यतै छन्
देखायो दायाँ हातले जहाँ
दक्षिण दिशा त्यसको नाम ।।