युगल बसेल
सन्धिखर्क -१,तुम्कोसट हाल चन्द्रागिरी -११
नरोऊ नरोऊ भन्देऊ न उँSSउँ गर्दै रुनेलाई
बोSSSडी ! भनी तर्साइदेऊ न भाउ धेरै हुनेलाई।
काखैमा बसाल्ने रे आँखैमा पसाल्ने रे
कोक्रोमा, बिछ्यौनामा राखे रोइहाल्ने रे।
साना साना आँखामा सपना ठूला होलान् कि ?
फुलजत्रा पाउले अग्ला चुली छोलान् कि ?
सोध सानो मुटुमा माया कति ठूलो छ ?
माया नाप्ने पाथी छ आथवा के तुलो छ ?
त्यो कलिलो चिउँडोमा हाँसो फुल्ने कहिले?
साना साना ओठमा बोली फुट्ने कहिले ?
टुकुर टुकुर हिँड्ने बेला मैले तिनलाई डोर्याऊँला
सोधिदेऊ न म डोरिने दिन पो कहिले आउला
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…