“भन कुनसँग”

पुण्यप्रसाद घिमिरे
बैत्यश्वर-६, दाेलखा

दिन रम्छ घामसँग,
रात जुनसँग,
सारङ्गीतार लमतन्न,
आफ्नै धुनसँग।
दाैडी उफ्री पुगिहाल्छ,
पाठा थुनसँग,
कथा अक्षरसँग भन,
हिसाब कुनसँग ?
श्वास फाेक्साेसँगै हुन्छ,
मुटु खुनसँग,
धर समाज रमाउँछन्,
हाम्रा,गुनसँग।
मकै गहुँ डराउँछन्
कीरा घुनसँग,
आँखासँग दृश्य भए,
धुन कुनसँग ?
तरकारी रस मिठाे,
भुटुन नूनसँग,
लुगलुगी ठण्डाजाडाे,
भाग्छ ऊनसँग।
नाक फुली गला सिक्री,
कान सूनसँग
दायाँ हात वायाँसँग,
बायाँ कुनसँग ?