“मकैकाे फूल”

राेशन पराजुली
बरगाछी,धरान

नमस्कार सबैमा! उसले उपस्थित जनाउँदै सभाहलमा प्रवेश गर्दा तालीकाे गड्गडाहट सबैतिर गुन्जिरहेकाे थियाे!”मानौँ कुनै अर्काे लाेकबाट देवदुतकाे आगमन भए जस्तै”! हल्का मुस्कान छर्दै उपस्थित सबैतिर नजर घुमाउँदै ऊ मंचमा आसिन आफ्ना गुरुजन सामु शिर झुकाउँदैं बस्याे। विद्यालयकाे सभाहल आफ्ना बालसखा,अग्रज दाजु दिदी लगायत अन्य गुरुजनहरुबाट भरिभराउ देखिएकाे थियाे। कक्षा गुरुले माइक हातमा लिएर सबैलाई स्वागत गर्नु भयाे। दधि गुरुले उसले लेखेकाे बाल लघुकथा संग्रह भित्रबाट केही बालमनाेभावनाहरु बारे चिरफार गर्दै भन्नू भयाे। बाल साहित्यकार अनुशिल जस्ले यहाँहरु सबै सामु बाल मनाेविज्ञानमा आधारित तथ्यहरु पस्किएकाे बारे छाेटाे मिठाे मन्थन दिँदै भन्नु भयाे। जहाँ बाल आचरण,नैतिक ज्ञान,बाल शुलभता र अनुशासन सम्न्धित केही कथाहरु भएकाे जानकारी दिनु भयाे। अन्त्यमा सबैका हातमा ऊबाट लेखिएकाे बाल संग्रह थियाे। नजर चाहिँ आवरण पृष्टमा दौडिरहेका थिए।जहाँ एक बृध्दआमा अगेँनाकाे डिलमा बसेर हाँडीमा केही भुटिरहेकी थिईन्। उनकाे छेवैमा एक बालक थालमा भएका मकैका फूल खेलाई रहेका थिए।