मधु घिमिरे
पेन्सिलभेनिया,अमेरिका
प्राणकी ज्ञानकी हर्षकी नायिका
विश्वमा शान्तिकी दीप हौ सर्वदा
साधना सिर्जना आँटकी बाबरी
मातृमाया मिठो सम्झना मञ्जरी।
भोकमा रोगमा हर्षमा दुःखमा
नेत्रमा चर्ममा चित्तमा ओठमा
शब्दमा मोहनी झल्कने बेसरी
मातृमाया मिठो सम्झना मन्जरी।
पुष्प झैं छौ तिमी मन्द मुस्काउने
स्वप्न लालित्यमा जादु झल्काउने
कर्मको मार्गमा चम्कने रोसनी
मातृमाया मिठो सम्झना मञ्जरी।
जिन्दगी बाँच्नमा भाग्यकी रक्षक
कष्टमा सान्त्वना कोखमा पालक
मन्द मुस्कानकी उर्वरा भारती
मातृमाया मिठो सम्झना मन्जरी।
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…