“मामाघरको तिज”

रमेशचन्द्र घिमिरे
भोर्लेटार लमजुङ

आमासँग तिजमा मामाघरमा गएँ म
मामाघर गएर मक्ख भएँ म
हजुरबाले नातिनी आऊ भन्दै काखमा लिनु भो
हजुरमाले मिठो दर खान दिनु भो

आज भान्जी आउँदैछिन् भन्ने थाहा पाएर
मामा पनि आउनुभयो चक्लेट ल्याएर
माइजू साह्रै रसिली भन्ने मलाई के थाहा र ?
मिठो बोली मिठो खान्की मिठै व्यवहार

तिजको दिनमा तिजे गीत गाएँ साथी मैले नि
अब तिजमा मामाघर जान्छु जैले नि
यो सालजस्तै धमाकाको भए हुन्थ्यो अर्को तिज
रमाइलो भो यस पालि मामाघरको तिज ।