रमेश खकुरेल
सानी नानी धेरै ज्ञानी छिन्
आमाकी आँखाकी नानी छिन्
बानी धेरै धेरै राम्रो छ
साँचो बोल्ने चाला चाम्रो छ ।।
उठ्ने गर्छिन् प्रातःकालैमा
पूर्वी आभा खुल्ने वेलैमा
कोही आई भन्नै पर्दैन
के गर्ने हो बोल्नै पर्दैन ।।
जाडो होस् या गर्मी जस्तै होस्
पानी चीसो तातो कस्तै होस्
ताजा बन्दै झट्टै फर्किन्छिन्
पढ्ने जे छन् सारा उध्रिन्छिन् ।।
लिप्सा राम्रो लेख्नेमा गर्छिन्
छापाजस्तै पारामा लेख्छिन्
जे कक्षामा लाएका हुन्छन्
वेलामा नै सारा सिद्धिन्छन् ।।
भान्छामा आमालाई हेरी
सक्तो गर्छिन् भ्याएको छोरी
छोरी देखी आमा मुस्किन्छिन्
मेरी छोरी लक्ष्मी हो भन्छिन्।।
इन्दु उपाध्याय हेलेम-मिसामारी,आसाम साँझको समय थियो। रोशन कार्यालयबाट फर्किएपछि सोफामा बसेर मोबाइलमा व्यस्त थियो। सामाजिक…
मणिराज भट्टराई गठ्ठाघर, भक्तपुर हुँदैन सन्तानको मायाँ कहिल्यै पनि धेर थोर मैले सम्झिएकै छु तिमीले…