“सरस्वती पूजा”

रामप्रसाद पन्थी
रेसुङ्गा न पा २ गुल्मी

मैले भनेँ बाबालाई सरस्वती पूजा
किन कैले गर्नेहाेला भन्नुहाेस् न बुबा।
माघ शुक्ल पञ्चमीकाे दिन बाबु नानी
सरस्वती पूजा गर्ने हुन्छ भाग्यमानी ।
आज हामी सबै मिली पूजा गर्नु पर्छ
सरस्वती खुसी पारी ज्ञान लिनु पर्छ ।
भन्नुभयाे आमालाई आँगनीमा लिप
छाेरी गई बगैंचाका फल-फूल टिप ।
मन्त्रसाथ पूजा सुरू गर्नुभयाे बाले
सानाे भाइ खुसी हुँदै रमाउन थाले ।
आजै देखि लेख्नु पर्छ अक्षरकाे धर्को
आज जस्तो शुभ दिन छैन अरे अर्काे ।
नाक कान पनि आजै छेड्ने अरे हाम्राे
भन्नुभयाे गहनाले बनाउने राम्राे ।
दुखे पनि नाक कान थिएँ म त मख्ख
झाेला भिरी स्कुलमा जाँदा परेँ चख्ख ।
स्कुलमा खेलाउने कुरा धेरै पाएँ
रमाउँदै बाबासितै घर फर्की आएँ ।
मैले भनें सधैभरि स्कुलमा जान्छु
स्कुलमा भाइ पनि मेरै साथ लान्छु ।
बाबा खुसी हुनुभयाे मेराे कुरा सुन्दा
म नि खुसी भएँ साथी अरू दिन भन्दा ।
मेरा लागि खास भयाे सरस्वती पूजा
अज्ञानता पारिदिन्छु अब धुजा धुजा ।