हरि काेर्काली
फुरफुर गर्दै
आइन् हुर्रै
सानी पुतली,
सुर्र गई
बसिन फूलमै
ज्ञानी पुतली।
चुलबुल चुलबुल
गरिन् एक्छिन्
फूलमै रमाई,
नरम नरम
हातगाेडाले
फूल नै समाई।
रङ्गीचङ्गी फूलहरूमा
झुम्ने मन गर्छिन्,
नरम नरम फूलका ओठ
चुम्ने मन गर्छिन्।
फूलबारीका फूलका बाेट
जम्मै घुमेर,
भएभरका फूलका थुङ्गा
जम्मै चुमेर,
दिन बित्छ सधैं यिनकाे
खुसी खुसी मै,
फूलकै रस पान गर्छिन्
चुसी चुसी नै।
इन्दु उपाध्याय हेलेम- मिसामारी, आसाम विद्यालयको घण्टी बज्नासाथ कक्षा नौका विद्यार्थीहरू आ-आफ्नो स्थानमा बसे। केही…
रम्भा पौडेल प्यारा भाइबैनीहरु ! यो असार महिना हो । अब असार पन्ध्र आउनैलाग्यो ।…
तुलसीराम खरेल बिर्तामोड झापा नयाँ सरकारले आइतबार छुट्टी गराएको थियो। नयाँ शैक्षिक सत्रमा आइतबार विद्यालय…