रमेशचन्द्र घिमिरे
भोर्लेटार, लमजुङ
`अब लाइन बस्नुपर्छ´
भन्दै हामीलाई
दस् बजेकोको घन्टी लाउँछन्
हाम्रा पाले दाइ !
चानेचुने मान्छे हैनन्
सबलाई कजाउँछन्
पिरेडपिच्छे सम्झाउँछन्
घन्टी बजाउँछन्
`फेरि पढ्न आउनुपर्छ
खाजासाजा खाई´
खेलछुट्टीको घन्टी लाउँछन्
हाम्रा पाले दाइ !
सफा हुन सिकाउँछन्
बढारकुढार गर्छन्
`मैले भन्या सबले मान्छन्´
भन्दै मक्ख पर्छन्
आज अब भयो पुग्यो
सबलाई बाई-बाई´
चार् बजेको घन्टी लाउँछन्
हाम्रा पाले दाइ !
सुरेशकुमार पाण्डे दाङ घोराही १८ "यो मोबाइल खराब भयो ठिक गराइदेउ त नानी !"-राधाले आफ्नि…