गंगा खड्का
बूढानीलकण्ठ,काठमाडौँ
बटुलेर थालभरी
नाना थरी रङ्ग
होली खेल्छु मस्तीले
सबै साथीसँग।
करकापमा पारेर
कसैलाई रङ दल्दिनँ
मलाई ताकी आउनेलाई
छल्दा पनि छल्दिनँ।
वर्षा दिन कुर्दाकुर्दै
आएको यो होली
यस्तै खालको रमाइलो
कहाँ हुन्छ र भोलि ?
नाच्छु पनि रमाउँदै
बजाई होली गीत
सद्भावले मनाउने
बसाल्नु छ रीत।
होलीजस्तै सबैका
रङ्गिन बनोस् पल
असत्यको हार भई
मिलोस् शुभ फल।
विपद्का कारण अभिभावक गुमाएका, परिवारबाट बिछोडिएका तथा असुरक्षित अवस्थामा पुगेका बालबालिकाको संरक्षणलाई राज्यको संस्थागत जिम्मेवारीका…
कृष्णशरण उपाध्याय पौडेल हामी जन्मनु पूर्व छल्छल थिए, सारा नदी का जल हाम्रो मृत्यु पछाडि…