तुलसी पण्डित
हिंसाको मुख्य कारक तत्व के के हुन् ?
सृजितालाई यो कुराको अनुसन्धान गर्न मन लाग्यो ।
उनी दुबै स्तन आधा देखिने फेसन लगाएर बजार गइन । नयाँ फेसनको पहिरनले दुबै तिघ्राहरू पनि प्रष्ट देखिन्थे। जब उनी घरबाट हिडिन्। तब उनी माथि सबैको नजर लाग्न थाल्यो। कतिले जिब्रो टोके। कतिले आश्चर्य व्यक्त गरे। कति उनका पछि लागे।
कतिपय महिलाहरू भन्थे। “यसको निको चाल छैन।”
युवाहरूको नजर पनि निकै बढेको महसुस गरिन् उनले। एक युवकले पछाडिबाट धाप मर्दै आएर भन्यो।
“साह्रै राम्री रहिछौ, तिमी र म विवाह गर्यौँ है ?”
यो कुरा सुने पछि उनी डराउँदै चाँडै नै घर फर्किन् । घर फर्केपछि उनलाई अर्को परीक्षा लिन मन लाग्यो । उनी सामान्य पोषाकमा फेरि बजार गइन । अहिले उनलाई कसैले हेरेनन् । न कसैले उनलाई धाप मार्यो । न उनलाई विवाहको प्रस्ताव लिएर कोही आयो । उनले सोचिन्।
“आखिर हिंसाको प्रेरक तत्वमा उत्ताउलो फेसन पनि पर्ने रहेछ ।”
