रञ्जुश्री पराजुली
“पुर्खाको कीर्ति मेरोदेश भल्कन्छ झलल
मेची र काली नदी यहाँ बगेका सलल
सगरमाथा देशको शोभा हिमाली दरवार
उत्तर हिमाल दक्षिण तराई नेपाल घरवार।
म जस्तै शान्त शीतल होउ भन्दछ हिमाल
धानका बाला झुलेकाे तराई देखिन्छ कमाल
डॉँडा र पाखा गुराँस फुल्दा नेपाल हाँसेको
देखिन्छ सँधै नौरङ्गी डॉफे बनमा नाँचेको।
चमरी चर्ने हिमाली पाखा भरनस झर्झर
हातमा सीप मनमा आँट पसिना तर्तर
छ कतैलेक छ कतै बेसी छ कतै तराई
मेरा आफन्ती जन कोही छैननू पराई।
अनेकथरी मौसम यहाँ गर्मी छुजाडो छ
भुगोल यस्तै सम्म भिर तेर्सो ठाडो छ
अनेकतामा एकता हाम्रो देश छ विशाल
गौरव गर्छु शीरमा बोक्छु सुन्दर नेपाल।'”
