“श्रद्धाको फूल भानुमा”

105

घनश्याम रेग्मी

रम्घामा जन्म लिएका
चुँदीमा हुर्की बढेका
आदिकवि भानुभक्त
घरै संस्कृत पढेका।

भाषाको जग बसायौ
भजन काव्य रसायौ
नेपाली भाषा उठायौ
नेपाली सँगै नचायौ।

राम कथा रामायण
धर्म र कर्म पारायण
भक्ति र भाव जनमा
अर्ती र ज्ञान गुनमा।

घाँसीको अर्ती पाएका
रामको गाथा गाएका
समयानुकूल काव्य
चुनेर लेखी दिएका।

श्रद्धाको फूल अर्पण
जिमीमा फेरि फर्कन
सम्झना आज भानुको
भाषाको मुख्य रानुको।