रमिला दुरा
कक्षा : ९
ईशानेश्वर माध्यमिक विद्यालय
मध्यनेपाल नगरपालिका-६ भोर्लेटार, लमजुङ
नजिक नजिक आऊ साथी
सुन्न मेरो काण्ड
काण्ड मेरो सुरु भयो
कुक म्यान बन्छु भन्दा
अन्डा फोर्न नजानेर
बडो आपत् पर्यो
अबुइ अबुइ भन्दै थिएँ
अन्डा भुइँमै झर्यो
टेबुलमा पछ्यौरी थ्यो
मैले त्यसले पुछेँ
आमाले गाली गर्नुहुन्छ
भन्ने कुरा बुझेँ
पछ्यौरीलाई नियाली हेर्दा
देखेँ मैले टाटो
नराम्रो भो धुँदा पनि
राम्रो देख्नु साटो
अन्डा त गयो गयो
पछ्यौरी नि गयो
कुक म्यान बन्ने सपना
मेरो सपना नै रह्यो।
