घनश्याम रेग्मी
गर्मी धेरै बढेर
स्कुल लाग्यो सबेर
घन्टी लाग्यो छ बजे
उठ्नै ढिलो ल हेर।
गर्मी साँझ रातमा
मिठो निद्रा प्रात:मा
उठ्नै गाह्रो बिहान
निद्रा पनि पुग्दैन।
खलखली पसिना
ढल्न लागे मसिना
स्कुल आयो बिहानै
खाना पिनाबिना नै।
तातो हावा टिनको
पोल्ने घाम दिनको
यस्तो स्कुल बनाए
कस्तो बुद्धि तिनको।
लाइन् लाग्न पाइन्न
खेल खेल्न पाइन्न
पानीमात्र पिएर
खाना पनि खाँइन्न।
लु को तातो हावा छ
लेख्न पढ्न गाह्रो छ
गर्मी पनि घट्नेथ्यो
पानी परे हुने हो।
